اہل بیت نیوز ایجنسی ابنا کی رپورٹ کے مطابق،لبنان کی مزاحمتی تنظیم حزبالله کے ایک سینئر رہنما نے اعلان کیا ہے کہ تنظیم نے اسرائیل کے ساتھ طویل جنگ کے لیے مکمل تیاری کر لی ہے۔
رپورٹ کے مطابق، حزب اللہ کی سیاسی کونسل کے رکن وفیق صفا نے پیر کے روز اپنے بیان میں کہا کہ آئندہ دنوں میں تنظیم کی جانب سے غیر متوقع اقدامات دیکھنے کو مل سکتے ہیں، خصوصاً خودکش ڈرونز کے استعمال کے حوالے سے۔
انہوں نے کہا کہ حزب اللہ نے خود کو ایک طویل المدتی جنگ کے لیے تیار کر لیا ہے اور اس حوالے سے تمام ضروری اقدامات مکمل کیے جا چکے ہیں۔
وفیق صفا نے مزید کہا کہ جنگ کے بعد لبنانی حکومت کو اس فیصلے سے پیچھے ہٹنے پر مجبور کیا جائے گا جس کے تحت حزب اللہ کی عسکری سرگرمیوں پر پابندیاں عائد کرنے کی کوشش کی گئی تھی۔ ان کا کہنا تھا کہ یہ مقصد ہر صورت حاصل کیا جائے گا، چاہے اس کے لیے کوئی بھی طریقہ اختیار کرنا پڑے۔
یہ بیان ایک ایسے وقت میں سامنے آیا ہے جب خطے میں کشیدگی میں مسلسل اضافہ ہو رہا ہے اور مختلف محاذوں پر عسکری سرگرمیاں تیز ہوتی دکھائی دے رہی ہیں۔
آپ کا تبصرہ